විශේෂ භාණ්ඩ හා සේවා බද්ද පරිපාලනය කිරීමේ කටයුතු දේශීය ආදායම් දෙපාර්තමේන්තුවෙන් ඉවත් කිරීමට රජය ගෙන ඇති තීරණයට දැඩි විරෝධය දක්වන බව දේශීය ආදායම් සේවා සංගමය සඳහන් කරයි.
දේශිය ආදායම් දෙපාර්තමේන්තුව විසින් පරිපාලනය කරනු ලබන විෂය පථයන් ගණනාවක් එක් කර GST නමින් නව බද්දක් පනවා එය පරිපාලනය කිරීමේ කටයුතු භාණ්ඩාගාරයේ විශේෂිත ඒකකයකට පැවරීමට සූදානම් වන බවද දේශීය ආදායම් සේවා සංගමයේ සම ලේකම් එච්.ඒ.එල්. උදයසිරි මහතා පැවසීය.
ආණ්ඩුවේ මෙම පියවර හේතුවෙන් විගණකාධිපති ගිය අධික්ෂණය යටතේ ක්‍රියාත්මක වන දේශීය ආදායම් දෙපාර්තමේන්තුව පරිපාලනය කරන බදු ක්‍රම ක්‍රමයෙන් ඉවත්ව යන බවද ඔහු කීය.
මහභාණ්ඩාගාරයේ විශේෂ ඒකකයට ලබා ගන්නා බදු මුදල් ඒකාබද්ධ අරමුදලට බැර වන්නේද යන්න ගැටලුසහගත බව ද ඔහු සඳහන් කළේය.
