නුගේගොඩ වැලි පාර්ක් උද්‍යානයේ ඊයේ (24) පැවති පොදුජන පෙරමුණු අනුබද්ධ සංවිධාන නියෝජිත හමුව අමතමින් ජනාධිපතිවරයා පැවසුවේ, දීර්ඝකාලීනව ජනතාව පීඩාවට පත් කරන ගැටලුවලට විසඳුම විධිමත් සංවර්ධනය පමණක් බවයි.
ඒ සඳහා අවශ්‍ය ප්‍රතිපත්ති රාමුව සහ වැඩපිළිවෙළ රජය ඉදිරිපත් කර ඇති බව ත් ප්‍රතිපත්තියක් සහ වැඩපිළිවෙළක් නොමැති පිරිසක් ඊට පහර ගසමින් සිටින බවත් ජනාධිපතිවරයා එහිදී පැවසී ය.
ජනාධිපතිවරයා අවධාරණය කර සිටියේ, කුමන බාධක, විවේචන පැමිණිය ද ජනතාව වෙනුවෙන් ගෙනයන වැඩපිළිවෙළ අඩපණ නොකරන බවයි.
ගස් කැපීමට හෝ පරිසරය විනාශ කිරීමට රජය කිසිවෙකුට අවසර දී නැති බව සඳහන් කර ඇති ජනාධිපතිවරයා දිස්ත්‍රික් ලේකම්වරුන්ට උපදෙස් ද දී ඇත්තේ, දිස්ත්‍රික් මටට්මින් වන විනශායන් සිදු වන්නේ, නම් ඒ පිළිබඳ සොයා බලා කඩිනම් පියවර ගන්නා ලෙසයි.
තව ද වත්මන් රජය බලයට පැමිණ මාස 16ක් වැනි කෙටි කාලයකදී රට තුළ පැහැදිලි ප්‍රතිපත්තිමය වෙනසක් සිදු කර ඇති බව සිහිපත් කළ ජනාධිපතිවරයා වැඩිදුටත් සඳහන් කළේ, වත්මන් රජයට මෙම යුගයේ ඇති වූ ගැටලුවලට නොව පසුගිය ආණ්ඩු සමයේ ඇති කළ ගැටලුවලට මුහුණ දීමට සිදුව ඇති බවයි.
ඔවුන්ම ඇති කළ ගැටලු මතු කරමින් එදා ආණ්ඩුවේ සිටි අයම අද රජයට විරුද්ධව උද්ඝෝෂණවල නිරතවන බව පැවසූ ජනාධිපතිවරයා රජයේ ප්‍රතිපත්ති හා සැලසුම් ක්‍රියාවට නංවන අතර ඔවුන් ඇති කළ ගැටලුවලට පිළිතුරු සෙවීමට වැඩි කාලයක් වැය කිරීමට සිදුව ඇතැයි ද පැවසී ය.
