තම වැටුප ඉක්මවූ දීමනා කපාහැරීමෙන් වෛද්‍යවරුන්ට සිදුව ඇති අසාධාරණයට රජය කඩිනම් පියවර නොගත හොත් ඉදිරියේදී වෘත්තීය ක්‍රියාමාර්ග ගන්නා බව රජයේ වෛද්‍ය නිලධාරීන්ගේ සංගමය පවසයි.
එහි මධ්‍යම කාරක සභික වෛද්‍ය ප්‍රසාද් කොළඹගේ පැවසුවේ මේ හේතුවෙන් වෛද්‍යවරයෙකුට රුපියල් 30,000කට අධික මුදලක් අහිමිවී ඇති බවයි.
මෙම අසාධාරණය හේතුවෙන් ඇතැම් වෛද්‍යවරුන් සෞඛ්‍ය ක්‍ෂේත්‍රයෙන් ඉවත් වී රට හැරයාමේ සූදානමක්ද ඇති බවද ඔහු වැඩිදුරටත් සඳහන් කළේය.
එබැවින් මෙම අසාධාරණ ක්‍රියාව නිවැරදි කිරීමට රජය කඩිනමින් මැදිහත්ව ක්‍රියා කළ යුතු බවද වෛද්‍ය වෛද්‍ය ප්‍රසාද් කොළඹගේ මහතා පැවසීය.
