චීනයේ ශෙන්චෞ 17 අභ්‍යවකාශ යානයේ ගගනගාමීහු තිදෙනා යානයෙන් බැහැර දෙවැනි මෙහෙයුම සාර්ථක ව අවසන් කරති.

පැය 8 ක් පුරා බාහිර මෙහෙයුම්වල නිරත වූ, ටං හොංබාඕ, ටං ශෙන්ජියෙ සහ ජියැං ශිංලිං යන ගගනගාමීන් තිදෙනා පෙරේදා (02) පස්වරු 1.32 ට නියමිත ඉලක්ක සපුරා, චීන අභ්‍යවකාශ මධ්‍යස්ථානයට අනුබද්ධ වෙන්ටියැන් රසායනාගාර මොඩියුලය වෙත ආපසු පැමිණ තිබේ.

ටියැන්හ ප්‍රධාන මොඩියුලයට අදාළ සූර්ය බලශක්ති පැනලවල නඩත්තු කටයුතු සිදුකිරීම මෙවර බාහිර මෙහෙයුම විය. චීන ගගනගාමීන් කක්ෂගත අභ්‍යවකාශ යානයට අනුබද්ධ බාහිර පහසුකම් නඩත්තු කිරීමේ මෙහෙයුමක් සම්පූර්ණ කළ පළමුවැනි අවස්ථාව මෙයයි.