ඇය ඉන්දියාවට පලාගියේ යැයි සැක
පාස්කු ඉරිදා ඒල්ල වූ බෝම්බ ප්‍රහාරයෙන් පසුව අම්පාර සහරාන්ගේ සහෝදරයා සමග අම්පාර සයින්දමර්දු ප්‍රදේශයේ නිවසක් තුළ මරාගෙන මැරෙන බෝම්බ පිපිරුමකින් මියගිය 15 දෙනා අතර සිටියේ යැයි සදහන් වූ කටුවාපිටිය දේවස්ථානයට ප්‍රහාරය එල්ල කළ බෝම්බකරුගේ බිරිද මේ වනවිට ජීවතුන් අතර සිටින බවට හෙළිව තිබේ.
සාරා නමැති මෙම කාන්තාව ඒම බෝම්බ පිපිරුමින් මියගිය බව පොලීසිය අධිකරණයට ද කරුණු වාර්තා කර තිබුණි. එහෙත් ඇය මියගොස් නැති බව සනාථ වන්නේ පාස්කු ප්‍රහාරයන් වසරකට පසුවය.
ඇය හොර රහසේ ඉන්දියාවට පලාගොස් ඇති බවට සැකයක් ද මේ වනවිට හටගෙන ඇත.
අපරාධ පරීක්ෂණ දෙපාර්තමේන්තුවේ විශේෂ පොලිස් කණ්ඩායමක් මෙන්ම රාජ්‍ය බුද්ධි සේවය මේ වනවිට ඒ් සම්බන්ධයෙන් පුළුල් ලෙස විමර්ශනයක් ද ආරම්භ කර තිබේ.
සයින්දමර්දු පිපිරුමෙන් සාරා නමැති මෙම කාන්තාව මරුමුවට පත්ව නැතැයි නිශ්චිත ලෙසම තහවුරු වන්නේ ඒම ප්‍රහාරයෙන් මියගිය පුද්ගලයින්ගේ ඩීඒන්ඒ් පරීක්ෂාවෙනි.
සහරාන්ගේ පවුලේ අයගේ සහ මියගිය අය කිසිවකු අතර එම ඩීඒන්ඒ් ගැළපීමක් නොවීම හේතුවෙන් මේ බව හෙළිවී ඇත.
සයින්දමර්දු මරාගෙන මැරෙන බෝම්බ පිපිරුමෙන් දිවි ගැලවුණේ දෙදෙනකුගේ පමණි.
ඒ් සහරාන්ගේ බිරිද සහ දියණියයි. සහරාන්ගේ බිරිද මුල් අවස්ථාවේ ප්‍රශ්න කිරීම්වලදී සදහන් කර තිබුණේ සාරා ද අවසාන මොහොත දක්වාම පිපිරුම සිදුවූ නිවසේ රැදී සිටිය බවය.
ඒ් අනුව ඇය ද මියගොස් සිටි පිරිසගේ නම් ලැයිස්තුවට පොලීසිය විසින් ඇතුළත් කර ඇති බව මේ වනවිට පෙනී යමින් ඇතැයි අපරාධ පරීක්ෂණ දෙපාර්තමේන්තු තොරතුරු අනාවරණය කළේය.
සාරා දෙමළ ජාතික තරුණියක් වන අතර කටුවාපිටිය බෝම්බකරු වූ හස්තුන්ගේ බිරිද වූ පසුව ඇය ඉස්ලාම් ආගමට හැරී තිබේ.
සයින්දමර්දු මරාගෙන මැරෙන බෝම්බ ප්‍රහාරය පසුගිය වසරේ අප්‍රේල් 26 වැනිදා සිදුවිය. එම ස්ථානයේ සිටි සාරා සූදානම්ව සිට තිබුණේ පාස්කු බෝම්බ මාලාවෙන් පසු දෙවැනි ප්‍රහාරයක් දියත් කිරීම සදහා ය
