විදේශගතව මේ වන විට රැදී සිටින පාතාලයේ ප්‍රබල මත්කුඩු ජාවාරම්කරුවෙක් වන බටුවත්තේ චාමරගේ බිරිඳ සහ දරුවන් පදිංචිව සිටින ජා-ඇල පිහිටි නිවසට දෙවැනි වතාවටත් අද අලුයම වෙඩි ප්‍රහාරයක් එල්ලවී ඇත.

වැලිගම්පිටිය ශාන්ත ආනා පාරේ පිහිටි නිවස අසලට යතුරුපැදියකින් පැමිණි දෙදෙනෙක් විසින් වෙඩි තබා ඇති බව ජා- ඇල පොලීසිය සඳහන් කරයි.

වෙඩික්කරුවන් තැබූ වෙඩි කිහිපයක් අසල නිවාස දෙකකටද වැදී ඇත. වෙඩි තැබීමෙන් කිසිවෙකුටත් හානි සිදුව නැත. වෙඩි ප්‍රහාරය එල්ලවන විට බටුවත්තේ චාමරගේ නිවසේ කිසිවෙකුත් සිට නැත.