හදිසි වැටලීමකට යැයි පවසමින් මාදම්පිටිය පොලිස් ස්ථානයේ තිබුණු පිස්තෝලයක් රැගෙන ගොස් එය අස්ථානගත කළ බව කියන පොලිස් සැරයන්වරයෙකුගේ වැඩ තහනම් කිරීමට කොළඹ උතුර කොට්ඨාශයභාර ජ්‍යෙෂ්ඨ පොලිස් අධිකාරීවරයා අද පියවර ගත්තේය.

මෙසේ වැඩ තහනම්කර ඇත්තේ මාදම්පිටිය පොලිස් ස්ථානයට අනුයුක්තව සේවයේ නිරතව සිටි පොලිස් සැරයන් ඒ. රණසිංහ නැමැති නිලධාරියාගේය.

මෙම සිදුවීමට අදාලව මෙම සැරයන්වරයා අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව රුපියල් 450,000 බැගින් වූ ශරීර ඇප දෙකක් මත මුදා හැර ඇති බවද පොලිසිය සඳහන් කළේය.

මෙම ගිනි අවිය අස්ථානගතකර තිබුණේ පසුගිය ඔක්තෝබර් 30 වෙනිදාය.