තිස්සමහාරාමය සාමගුලිය ප්‍රදේශයේ පිහිටි ගල්වලක දිය නෑමට ගිය මවක් සහ දියණිවරු දෙදෙනෙක් දියේ ගිලී මියගොස් ඇත.
මෙසේ අවාසනාවන්ත ලෙස මියගොස් ඇත්තේ තිස්සමහාරාම කාවන්තිස්සපුර , සාමගුලිය ප්‍රදේශයේ පදිංචිකාරියක් වූ මනෝරි සුරංගිකා නැමැති දෙදරු මව සහ ඇගේ දියණිවරු දෙදෙනාය. දියණිවරු දෙදෙනා අවුරුදු 14 හා 09 යන වයස්වල පසුවන්නියන් බව තිස්සමහාරාමය පොලීසිය සඳහන් කළේය.
මවත් දියණිවරු දෙදෙනාත් ඊයේ සවස දියනෑමට ගොස් මෙම අනතුර සිදුව ඇති අතර සිරුරු සොයාගෙන ඇත්තේ අද උදෑසන කාලයේදීය. ඒ කිමිදුම්කරුවන් යොදා කළ මෙහෙයුමකින් අනතුරුවය.