අංජනා මල්ලවආරච්චි
නාගරික සංවර්ධන අධිකාරි පනත, මහ නගර සභා ආඥා පනත සහ ආයෝජන මණ්ඩල පනත ඇතුළු මේ වන විට රටේ ක්‍රියාත්මක පනත් 7ක නීති කොළඹ වරාය තුළ බලාත්මක නොවන බව කොළඹ වරාය නගරය සභා පනත් කෙටුම්පතේ සඳහන් වෙයි.
මීට අමතරව රටේ පවතින තවත් පනත් දාහතරකින් කොළඹ වරාය නගරයේ ව්‍යාපාර වලට සහන සලසා දිය හැකි බවද එම පනත් කෙටුම්පතේ සඳහන් වේ.
කොළඹ වරාය නගරය ජනාධිපතිවරයා විසින් පත්කරනු ලබන සාමාජිකයින්ගෙන් සමන්විත කොමිෂන් සභාවක් මගින් පාලනය වන අතර එහි සාමාජික සංඛ්‍යාව 2ත් 7ත් අතර සංඛ්‍යාවක් විය යුතු බව ද එම පනත් කෙටුම්පතේ සඳහන් වේ.
එම කොමිෂන් සභාවේ අධ්‍යක්ෂ වරයා ප්‍රධාන විධායක නිලධාරියා ලෙස කටයුතු කරන බවට එහි සඳහන් වේ.
කොළඹ වරාය නගරය ආර්ථීක කොමිෂන් සභා පනත් කෙටුම්පත මේ වනවිට පාර්ලිමේන්තුවට ඉදිරිපත් කර තිබෙන අතර ඉදිරියේදී එය සම්මත කිරීමට නියමිතය.