කුරුණෑගල – දඹුල්ල ප්‍රධාන මාර්ගයේ දොරටියාව තෝරයාය ප්‍රදේශයේදී මගී බස් රථ දෙකක් එකිනෙකට ගැටී සිදුවූ අනතුරකින් සිව් දෙනෙක් මියගොස් 20 දෙනෙක් තුවාල ලබා ඇත.
මෙම අනතුර අද (10) අලුයම් කාලයේදී සිදුව තිබේ. මියගොස් ඇති අය අතර කාන්තාවක්ද සිටී.
කඳුරුවෙල සිට කොළඹ බලා ධාවනය වූ පුද්ගලික මගී බස් රථයක් මගීන් නැන්වීමට නවතා තිබියදී පසුපසින් පැමිණි පුද්ගලික බස් රථයක් ගැටීමෙන් මෙම අනතුර සිදුව ඇති බව පොලිසිය සඳහන් කරයි.
පිටුපසින් පැමිණි බස් රථයේ අධික වේගය මෙම අනතුරට මුල්වී ඇති බව පොලිසිය සඳහන් කරයි.