යාපනයේ පුතූර් කලමති ආලඩි මුරුගන් කෝවිලේ වාර්ෂික මංගල්ලයේදී පූජාවට තැබූ අඹ ගෙඩියක් රුපියල් දෙලක්ෂ හතලිස් හය දහසකට ඊයේ (27) වෙන්දේසී වී තිබේ.
උතුරේ කොවිල්වල අඹ මංගල්ලය සමයේදී දෙවිවරුන්ට පූජා කරන අඹ ගෙඩිය පසුව වෙන්දේසියේදී අළෙවි කරනු ලබයි.
දෙවියන්ට කැප කළ එම අඹ ගෙඩිය තම නිවසට රැගෙන ගොස් සුදු රෙදි කඩක බැද එල්ලා තැබීමෙන් නිවසට සිරිකත පැමිණීමට හේතුවක් වන බවට හින්දු බැතිමතුන් තුළ ඇති විශ්වාසය නිසා පූජාවට තබනු ලබන අඹ ගෙඩිය වෙන්දේසියේදී මිලට ගැනීමට විශාල උනන්දුවක් පවතී.
කෝවිලේ පැවති වෙන්දේසියේදී අඹ ගෙඩිය මිලට ගෙන ඇත්තේ ජර්මනියේ සිට නිවාඩුවකට යාපනයට පැමිණ සිටින ධනවත් පවුලක් විසිනි.