ගාල්ල කරාපිටිය රෝහලේ සේවයේ නිරත වෛද්‍යවරියක් රෝහලේ සිට සිය නිවස වෙත ඊයේ (27) පා ගමනින් යමින් සිටියදී පසුපසින් පැමිණි පුද්ගලයකු විසින් ඇගේ ගෙල බැදි රන් මාලය සහ ජංගම දුරකථනය කොල්ලකා පළාගොස් ඇත.
ගාල්ල ඒ.එච්.ඊ. ප්‍රනාන්දු මාවතේදී මෙම මංකොල්ලය සිදුව ඇත්තේ රාත්‍රී 7.30ට පමණ බව ගාල්ල පොලිසිය සඳහන් කළේය.
මෙම වෛද්‍යවරියගේ නිවස පිහිටා ඇත්තේද එම මාර්ගයේම බව පොලිසිය සඳහන් කරයි.
කොල්ලකෑ රන් මාලය පවුමක් පමණ බරැති බවත් ජංගම දුරකථනය හා එම රන් මාලය රුපියල් ලක්ෂ 2ක් පමණ වටිනාබවත් වෛද්‍යවරිය විසින් මේ ගැන පොලිසියට පැමිණිලිකරමින් සඳහන් කර ඇත.
