කම්කරු අමාත්‍යාංශයේ කාර්‍යාල සේවක සේවයේ සේවකයින් හට මෙම වසරට අදාලව හිමිවිය යුතු නිල ඇදුම් දීමනාව අහිමිකර ඇති බවට වාර්තා වේ.
රාජ්‍ය පරිපාල චක්‍රලේඛන 05/2013 අනුව රජයේ කාර්‍යාල සේවක සේවයේ II ශ්‍රේණියේ නිලධාරීන්ට සහ I ශ්‍රේණියේ සිටියද II ශ්‍රේණියට අදලා තනතුරක් සේවයේ නියුතු සේවකයින් හට නිල ඇදුම් දීමනාවක් හිමි වන අතර එම දීමනාව මෙතෙක් අඛණ්ඩව ගෙවීම් කර තිබේ.
කෙසේවෙතත් මෙම වසරට අදාල එම දීමනාවට අදාල ඉල්ලුම් පත් මේවන විටත් යොමු කළද අමාත්‍යාංශයේ ඉහළ පාලනාධිකාරිය විසින් එය නොගෙවා සිටීමට තීරණය කර ඇති බවට Newswave හට අනාවරණය වේ.
රාජ්‍ය සේවය තුල නිල ඇදුම් දීමනා හිමි නිලධාරීන් රාජකාරි කටයුුතු වල යෙදීමේදී එම නිල ඇදුම් පැළඳ සිටිය යුතුය.
එවන් පසුබිමක් තුල මෙම දීමනාව නොගෙවීම අදාල සේවයේ නිලධාරීන්ව දැඩි ගැටලුකාරී වී ඇති බවට වාර්තා වේ.
කෙසේ වුවත් අමාත්‍යාංශයේ ඉහළ නිලධාරීන්ට හිමිවන දීමනා වල වෙනසක් සිදු නොවී ඇති බවටද වැඩිදුරටත් වාර්තා වේ.
