මහනුවර මහාධිකරණ විනිසුරුවරියකගේ පෑලියගොඩ පිහිටි නිවස හොරු බිඳ රුපියල් ලක්ෂ 10ක දේපොල සොරාගෙන ඇත.
මෙම සොරකම ගැන මහාධිකරණ විනිසුරුවරිය පෑලියගොඩ පොලිස් ස්ථානයට පැමිණ ඊයේ පැමිණිලිකර තිබේ.
සොරකම සිදුව ඇත්තේ පසුගිය නොවැම්බර් 21 වෙනිදාත් ඊයේත් අතර කාලය තුලය.
විනිසුරුවරිය කුඩා කල හැදී වැඩුණු මෙම නිවස කාලයක් තිස්සේ වසා තබා ඇති බව ද පොලිසිය සඳහන් කළේය.
නිවසේ ජනේල් ග්‍රිල් කොටස් කිහිපයක්ද, ඇඳන් 02ක්ද, ජනේල්වලට යොදා තිබුණු යකඩ පොලු හා ගේට්ටුවේ විදුලි පරිපථයයේ ට්‍රිප් ස්විචයද, සියළු වයරින් කොටස්ද සොරාගෙන ඇතැයි පොලිසිය සඳහන් කරයි.
මෙම සොරකම සිදුකල පුද්ගලයා හදුනාගෙන ඇති බවත් ඔහු මත්කුඩු පානයට ඇබ්බැහි වී සිටින්නෙක් බවත් පොලිසිය කියයි.