පොලිස් මත්ද්‍රව්‍ය කාර්යාංශයේ නිලධාරියෙක් ලෙස පෙනී සිිමින් ව්‍යාජ වැටලීමක් කර මුදල් හා දේපොල කොල්ලකෑමක් සම්බන්ධයෙන් සැකපිට ව්‍යාපාරිකයෙකු මාතර පොලීසිය අත්අඩංගුවට ගෙන ඇත.
මෙම සැකකරු මාතර කුරුදුවත්තේ පදිංචි 25 හැවිරිදි වියේ පසුවන්නෙකි.
ව්‍යාජ පිස්තොලයක්ද රැගෙන ගොස් ඔහු මෙම කොල්ලය සිදුකර ඇති බව පොලීසිය සඳහන් කරයි. මිලි මීර් 09 වර්ගයේ ගිනි අවියට සමාන එම ගිනි අවියද පොලීසිය විසින් සොයාගෙන ඇත.
සැකකරු අත්අඩංගුවට ගන්නා අවස්ථාවේදී ඔහු සතුව තිබී අයිස් මත්ද්‍රව්‍ය මිලිග්‍රෑම් 1940ක්ද හමුවී තිබේ.