Update|
අනතුර සිදුවන විට බස් රථයේ කථිකාචාර්යවරු තිදෙනෙක්, හමුදා සෙබලු දෙදෙනෙක් සහ සිසුන් 36 දෙනෙක් ගමන්කරමින් සිට ඇති බව පොලීසිය කියයි.
දුන්හිඳ පසුකර ඉදිරියට පල්ලම බසිමින් තිබියදී අවසාන දෙවැනි වංගුවේදී මෙම අනතුර සිදුව ඇත.
බස් රථය කොතලාවල ආරක්ෂක විශ්වවිද්‍යාලයට අයත් එකක් බව පොලීසිය සඳහන් කළේය.
මෙම සිසුන් පිරිස කොතලාවල ආරක්ෂක විශ්වවිද්‍යාලයේ ප්‍රමාණ සමීක්ෂණ පීඨයේ සිසුන් බව පොලීසිය කියයි.
කොතලාවල ආරක්ෂක විශ්වවිද්‍යාලයේ සිසුන් පිරිසක් ගමන්කරමින් සිටි බස් රථයක් අද උදෑසන බදුල්ල – මහියංගනය මාර්ගයේ අඹගහඹය වංගුවේදී පෙරලීමෙන් සිසුවියන් දෙදෙනෙක් මියගොස් ඒහි ගමන්කරමින් සිටි 35 දෙනෙක් තුවාල ලබා රෝහල් ගතකර ඇත.
බස් රථය ගමන්කරමින් තිබී ඇත්තේ බදුල්ල දෙස සිට මහියංගනය දෙසට බව පොලීසිය කියයි. දුන්හිඳ පසුකර ඉදිරියට ධාවනය වෙමින් තිබියදී අඹගහඹය වංගුවේදී බස් රථය වේගයෙන් වංගුව ගැනීමට යෑමේදී මෙම අනතුර සිදුව ඇතැයි පෙනී යන බව පොලීසිය සඳහන් කළේය.
මෙම අනතුර සිදුවන විට බස් රථයේ 41 දෙනෙක් ගමන්කර ඇති බව සඳහන් වන බව පොලීසිය පවසයි.