මෙරට සමරිසි ප්‍රජාව (LGBTQ) සහ පොලිස්පතිවරයා අතර හමුවක් අද පොලිස් මූලස්ථානයේ පවත්වා තිබේ.
ශ්‍රී ලංකා පොලිස් ඉතිහාසයේ පොලිස්පතිවරයෙකු සමඟ සමරිසි ප්‍රජාව පොලිස් මූලස්ථානයේදී මුහුණට මුහුණ සාකච්ඡාවක් පවත්වන ප්‍රථම අවස්ථාව මෙයයි.
මෙම හමුවට සමරිසි ප්‍රජාව නියෝජනය කරමින් මෙරට සමරිසි ක්‍රියාකාරීන් පිරිසක් සම්බන්ධ වී තිබේ. සමරිසි ප්‍රජාවට සමාජය හමුවේ මුහුණ දෙන්නට සිදුවන ගැටළු ගැන මෙන්ම පොලිස් ස්ථානවලදී ඔවුන්ට සිදුවන අපහසුතා ගැනද මෙහිදී පොලිස්පතිවරයාව දැනුවත්කර ඇත.
සමරිසි ප්‍රජාව විසින් මුහුණු දෙන එම ගැටළු සම්බන්ධයෙන් සම්බන්ධීකරණය කිරීමේ කටයුත්ත සඳහා මෙහිදී කාන්තා නියෝජ්‍ය පොලිස්පති රේණුකා ජයසුන්දර මහත්මියව පත්කිරීමටද පොලිස්පතිවරයා පියවර ගෙන තිබේ. ළමා හා කාන්තා අපයෝජන වැලැක්වීමේ කාර්යාංශයේ ප්‍රධානියා වන ඇයද මෙම හමුවට සහභාගිවී සිට ඇත.
