මැද පෙළ ක්‍රීඩකයන්ගේ වගකීම් විරහිත ක්‍රීඩා විලාසය හේතුවෙන් ප්‍රබල ඕස්ට්‍රේලියාවට එරෙහිව අද (07) පැවැති විස්සයි 20 තරගයේ ශ්‍රී ලංකා ලකුණු පුවරුව ලකුණු 128 සීමා විය.

ධනුෂ්ක ගුණතිලක සහ පැතුම් නිශ්ශංක සාර්ථක ආරම්භයක් ලබා දුන්නද එම සාර්ථකත්වය අවසන් පන්දුවාරය දක්වා ගෙන ඒමට ශ්‍රී ලංකා මැද පෙළ ක්‍රීඩකයන්ට නොහැකි විය.

ඉනිමේ වැඩිම ලකුණු ලාභියා වූයේ චරිත් අසලංකයි. ඔහු ලකුණු 38ක් හිමිකර ගත්තේය. පැතුම් නිශ්ශංක 36යි. ධනුෂ්ක ගුණතිලක 26යි.

ශ්‍රී ලංකා කණ්ඩායමේ දැවීයාම් ආරම්භ වූයේ කුසල් මෙන්ඩිස් ලකුණකට දැවී යාම සමඟය. භානුක රාජපක්ෂ සහ දසුන් ශානක බිංදුවට දැවී ගිය අතර වනිදු හසරංග ලකුණු 17ක් ලැබු අතර චාමික, දුෂ්මන්ත සහ මහේෂ් ලකුණු 1 බැගින් හිමිකරගත්හ.

වනිදු හසරංග සමඟ අනෙක් අන්තයේ රැදී සිටි චරිත් අසලංක සහ චාමික කරුණාරත්න දෙදෙනාම දුවද්දී දැවී යාම්වලට හසුවීම විශේෂත්වයකි. ඕස්ට්‍රේලියාව මේ වනවිට පන්දුවාර දෙකක් අවසන කිසිවෙකු නොදැවී ලකුණු 11යි.