ගාලුමුවරදොර අරගලකරුවන්ට ඉකුත් 09 වෙනිදා එල්ලවූ පහරදීම සම්බන්ධයෙන් පොදුජන ගුරු සංගමයේ සභාපති වසන්තා හඳපාන්ගොඩ මහත්මිය ඇතුළු හය දෙනෙක් අපරාධ පරීක්ෂණ දෙපාර්තමේන්තුව විසින් අද අත්අඩංගුවට ගෙන තිබේ.
ඇය සමඟ අත්අඩංගුවට ගත් සැකකරුවන් අතර මොරටුව නගරාධිපතිවරයාගේ පුතා, කොළඹ මහා නගර සභාවේ නාගරික මන්ත්‍රීවරයෙක් සහ මොරටුව නගර සභා සේවකයින් තිදෙනෙක් සිටින බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතීඥ නිහාල් තල්දූව මහතා කීය.