අද (10) මධ්‍යම රාත්‍රියේ සිට ක්‍රියාත්මක වන පරිදි අයි.ඕ.සී පෙට්‍රල් හා ඩීසල් මිල ඉහළ දමා ඇත.

ඒ අනුව පෙට්‍රල් ලීටරයක මිල රුපියල් 50 කින් සහ ඩීසල් ලීටරයක මිල රුපියල් 75 කින් ඉහළ දමා ඇති බව එම සමාගම නිවේදනය කරයි.

මෙයට පෙර ලංකා අයි. ඕ. සී. සමාගම පසුගිය පෙබරවාරි (25) මධ්‍යම රාත්‍රියේ ඩීසල් ලීටරයක් රුපියල් 15කින් සහ පෙට්‍ර්ල් ලීටරයක් රුපියල් 20කින් ඉහළ දැමීය.

ඒ අනුව එදින පටන් ඔක්ටේන් 92 වර්ගයේ පෙට්‍ර්ල් ලීටරයක මිල රුපියල් 204ක් හා අයි. ඕ. සී. ඔටෝ ඩීසල් ලීටරයක් රුපියල් 139ක් වූ අතර, අද මධ්‍යම රාත්‍රියේ සිට පෙට්‍රල් ලීටරය රුපියල් 254 සහ ඩීසල් ලීටරය රුපියල් 214ක් දක්වා ඉහළ යනු ඇත.

ලංකාවේ අයි.ඕ.සී සමාගම මාස දෙකක කාලයක් තුළ මෙලෙස පෙට්‍රල් හා ඩීසල් මිල ඉහළ දැමූ දැමූ තෙවැනි අවස්ථාව මෙය වෙයි.