නිකවැරටිය කන්දේගෙදර ප්‍රදේශයේ නිවසක මුළුතැන්ගෙය තුළ අද (26) දහවල් පිපුරුමක් සමඟ ගිනි ගැනීමක් සිදුව ඇති බව පොලීසිය සදහන් කරයි.
ගෑස් ටැකියෙන් සිදුවුණු කාන්දුවක් මෙම පිපුරුමට මුල්වී ඇතැයි මූලික විමර්ශන වලින් පෙනී ගොස් ඇතැයි නිකවැරටිය පොලීසිය සඳහන් කළේය.
මෙම පිපුරුමෙන් සහ ගිනි ගැනීමෙන් නිවසට දැඩි ලෙස හානි සිදුව තිබෙන බවද පොලීසිය සදහන් කරයි.
පිපුරුම සිදුවන අවස්ථාවේ නිවසේ කිසිවෙකුත් නොසිටීම නිසා ජීවිත හානියක් සිදුව නැති බව ද පොලීසිය සදහන් කරයි.
මෙම පිපුරුම සහ ගිනි ගැනීම සම්බන්ධයෙන් රස පරීක්ෂකවරයා දැනුවත්කරන ලෙස තමා නිකවැරටිය පොලීසියට දැනුම් දුන් බව වයඹ පළාත්භාර ජ්‍යෙෂ්ඨ නියෝජ්‍ය පොලිස්පති සංජය ධර්මරත්න මහතා සදහන් කළේය.
