ත්‍රිකුණාමලය කින්නියා හී කලපුවේදී පාලම් පාරුවක් අද උදෑසන පෙරලීමෙන් එහි ගමන් කරමින් සිටි 20 කට වැඩි පිරිසක් දියේ ගිලී ඇත.
කින්නියා පොලීසිය සදහන් කරනු ලැබුවේ නාවික හමුදාව සහ පොලිස් විශේෂ කාර්ය බලකාය එක්ව දියේ ගිලුණු පිරිස් බේරා ගැනීමට එම අවස්ථාවේදීම මෙහෙයුමක් දියත් කළ බවය.
එහිදී කුඩා ළමුන් ඇතුළු 05 දෙනෙකුගේ මළ සිරුරු දියේ ගිලී තිබී හමුවී ඇති අතර 07 දෙනෙකු රෝහල් ගත කිරීමට පියවර ගෙන තිබේ.
පාසල් දරුවන් පවා මෙම පාලම් පාරුවේ ගමන්කරමින් සිට ඇත. දියේ ගිලුණු තවත් පිරිසක් සොයා මේ වන විටත් මෙහෙයුම් දියත්වන බව පොලීසිය සදහන් කරයි.
පාලම් පාරුවට දරා ගැනීමට නොහැකි පිරිසක් ගොඩවී ගමන් කිරීම හේතුවෙන් මෙම අනතුර සිදුව ඇතැයි සැකකෙරේ.
