මියගිය වන අලි පස් දෙනෙකුගේ සිරුරු පසුගිය 24 වෙනිදා හමුවී තිබේ.

මකුළුගස්වැව, ඇහැටුවැව, අඹන්පොල, කින්නියා සහ උහන යන පොලිස් වසම්වලින් මෙම වන අලි සිරුරු හමුවී ඇත.

මකුළුගස්වැව පොලිස් වසමේ දේවහූව ප්‍රදේශයේ වගා ඉඩමක් වටා ඇද තිබුණු අනවසර විදුලි රැහැනක පැටලී වන අලියා මියගොස් තිබේ.

අඹන්පොල දී මියගොස් ඇත්තේ වයස අවුරුදු 35ත් 40ක් පමකි වන අලියෙකි. දංගහවත්ත වරාගම්මන ප්‍රදේශයේ තිබී එම වන අලියාගේ දිරුර හමුවී ඇත.

ඇහැටුවැව දී මියගොස් ඇත්තේ අවුරුදු 16ක වන අලියෙකි. කඳුරුවැව ගම්මානයේ සමිති ශාලාව අසල ඉඩමක මෙම වන අලියා මියගොස් සිටි බව ඇහැටුවැව පොලිසිය සඳහන් කළේය.

කින්නියා කිරාන් මහවැලි ගඟ අසබඩ අතුරු ඇල මාර්ගයේ සිව් වැනි වන අලියා මියගොස් සිට ඇත.

උහනදී මියගොස් ඇත්තේ හක්ක පටස් හේතුවෙන් මුඛය තුවාල වී ආහාර හා ජලය ලබා ගැනීමට නොහැකිව රෝගීව සිටි වන අලියෙකි.