වසර පහකට පසුව පෙබරවාරි මාසයේ සිට වාහන ආනයනය කිරීම සඳහා අවසර ලබා දීමත් සමඟ වාහන මත පැනවෙන ආනයන බදු සියයට 600 දක්වා ඉහළ යා හැකි බව ශ්‍රී ලංකා වාහන ආනයනකරුවන්ගේ සංගමයේ සභාපති ප්‍රසාද් මානගේ මහතා පවසයි.

වාහන ආනයනයේ දී බදු වර්ග තුනක එකතුවට වැට් බදු එකතුවීම බලපාන බව ප්‍රසාද් මානගේ මහතා සඳහන් කළේය.

නිෂ්පාදන දිනයේ සිට අවුරුදු 10ට නොවැඩි වාහන සඳහා බදු පැනවීමට අදාළ ගැසට් නිවේදනය මුදල් අමාත්‍යවරයා වන ජනාධිපති අනුර කුමාර දිසානායක මහතා විසින් පෙරේදා (10) දිනයේ දී නිකුත් කර තිබිණි.