සුවසැරිය නොමිලේ ගිලන්රථ සේවය වෙනුවෙන් පුද්ගලික අංශය රුපියල් මිලියන 525 කින් දායක වී තිබේ.
අරමුදල් හිඟවීම නිසා සුවසැරිය ගිලන්රථ සේවය පවත්වාගෙන යාම සඳහා පුද්ගලික අංශයේ සහාය ඉල්ලා සිටීමට පසුගියදා කටයුතු කර තිබුණි.
මේ අනුව, සුවසැරිය ගිලන් රථ 105 ක් පවත්වාගෙන යාම සඳහා පුද්ගලික අංශයේ සමාගම් ඉදිරිපත් වී ඇතැයි සමගි ජන බලවේගයේ පාර්ලිමේන්තු මන්ත්‍රී හර්ෂ ද සිල්වා මහතා පවසයි.
ඒ සඳහා ඔවුන් මේ වසරේ වැය කරන වියදම රුපියල් මිලියන 525ක්.
පවතින ආර්ථික අර්බුදය හමුවේ සති කිහිපයක් ඇතුළත මෙවැනි මුදලක් රැස්කර ගැනීමට හැකිවීම එක්තරා ජයග්‍රහණයක් බවත් මේ වෙනුවෙන් ඉදිරිපත් වූ සැමට ජනතාව වෙනුවෙන් තමා ස්තූතිවන්ත වන බවත් මන්ත්‍රීවරයා කියාසිටියේ ය.