සියලු රාජ්‍ය විශ්වවිද්‍යාලවල අධ්‍ය්‍යන සහ විභාග කටයුතු අත්හිටුවන බව විශ්වවිද්‍යාල ආචාර්ය සමිති සම්මේලනය අද නිවේදනය කළේය.
අද සිට අඛණ්ඩ වෘත්තිය සමිති ක්‍රියාමාර්ගයක වන බව ද විශ්වවිද්‍යාල ආචාර්යවරුන්ගේ සමිති සම්මේලනයේ මාධ්‍ය ප්‍රකාශක ජ්‍යෙෂ්ඨ කථිකාචාර්ය චාරුදත්ත ඉලංගසිංහ මහතා මාධ්‍ය හමුවකදී පැවසීය.
ලබන 13 වැනිදා සිට සතියක් වැඩ වර්ජනයක සිට ඕනෑම වෘත්තිය ක්‍රියාමාර්ගයක නිරත වන බව ද එම සම්මේලනය කියාසිටී.
ලබන 15 වැනිදා මෙරට සියලු සේවා වෘත්තිය සමිති වර්ජනයක නිරත වන බව ද ඔවුහු පැවසූහ.
මේ අතර කැළණිය විශ්වවිද්‍යාලය ආචාර්යවරුන් සහ අනධ්‍යන සේවක පිරිස් මෙන්ම කොළඹ සරසවියේ අනධ්‍යයන සේවකයෝ ද අද (09) විරෝධතාවක නිරත වෙති.
රජයේ බදු ප්‍රතිපත්තිය, ඉහළ යන ජීවන වියදමට සහ විදුලි ගාස්තුවට විරෝධය දක්වමින් එම විශ්වවිද්‍යාල ඉදිරිපිට ඔවුහු විරෝධතාවක නිරත වූහ.