රාජ්‍ය අමාත්‍ය ඉන්දික අනුරුද්ධ මහතාගේ මරඳගහමුල පිහිටි පක්ෂ කාර්යාලයට මැයි 09 වෙනිදා ගිනි තබා හානි කිරීම සම්බන්ධයෙන් කෙරෙන විමර්ශනයන්ට අදාලව අඹුසැමි යුවලක් ඇතුළු තිදෙනෙක් සැකපිට අපරාධ පරීක්ෂණ දෙපාර්තමේන්තුවේ විශේෂ පොලිස් කණ්ඩායමක් විසින් අත්අඩංගුවට ගෙන ඇත.
දිවුලපිටිය ප්‍රාදේශීය සභාවේ හිටපු මන්ත්‍රීවරියක් වන මධුෂිකා ගුණසේකර සහ ඇගේ සැමියාද , දිවුලපිටිය ප්‍රාදේශීය සභාවේ හිටපු මන්ත්‍රී එම්.ආර්.කේ. අල්විස් මහතාද මෙසේ අත්අඩංගුවට ගෙන තිබේ.
මෙම මන්ත්‍රීවරිය සහ මන්ත්‍රීවරයා එක්සත් ජාතික පක්ෂයෙන් ප්‍රාදේශීය සභාවට තේරීපත්ව පසුව සමගි ජන බලවේගයට එක්වූ අය වේ. ඒ හේතුව නිසා ඔවුන්ගේ මන්ත්‍රීධූරය අහිමි වී ඇති බව අපරාධ පරීක්ෂණ දෙපාර්තමේන්තුව සදහන් කරයි.
අධිකරණයට ඉදිරිපත් කිරීමෙන් අනතුරුව ඇප මත ඔවුන් තිදෙනාව මුදා හැර ඇත.