ඩුබායි සිට ඉන්දියාව හරහා මෙරටට හොර රහසේ රැගෙන පැමිණි රුපියල් මිලියන 400ක් පමණ වටිනා රන් කිලෝ 22ක් සමඟ ගුවන් මගීන් සිව් දෙනෙකු කටුනායක ගුවන්තොටුපොලේ දී රේගු නිලධාරීන් විසින් අද උදෑසන අත්අඩංගුවට ගෙන තිබේ.

ඉන්දියාවේ චෙන්නායි සිට පැමිණි එම ශ්‍රී ලංකීය ගුවන් මගින් සිව් දෙනාගේ ගමන් මළුවල ඉතා සූක්ෂම ලෙස අසුරා මෙම රන් තොගය තිබී ඇත.

පරීක්ෂා කිරීමේ දී ඔවුන්ගේ බෑගයන් තුළ සඟවා තිබූ රන් ආභරණ හා ද්‍රව ලෙස සකස් කරන ලද රන් කුඩු විශාල ප්‍රමාණයක් සොයා ගැනීමට හැකි වී තිබේ. තවද රන්කුඩු සූක්ෂම ලෙස ආලේප කරන ලද ඇඳුම් 30ක් සොයා ගැනීම හැකිවිය.

රන් ආභරණ ඉතා සූක්ෂම ලෙස හඳුනාගැනීඹට නොහැකි වන සේ වර්ණ ගන්වා තිබූ අතර, රන්කුඩු සැඟවීමට පහසු වන සේ කැප්සියුල් ආකාරයෙන් සකසා තිබුණු බව ශ්‍රි ලංකා රේගුව සඳහන් කරයි.

ඉන්දියාවේ "Direcහtorate of Revenue Intelligence" ආයතනය මගින් ලබාදි තිබු බුද්ධි තොරතුරක් විශ්ලේෂණය කරමින් මෙම වැටලීම කර තිබේ.