fbpx
තවත්
    මුල් පිටුවඋණුසුම් පුවත්ගෙවුණු පැය 24 තුළ ගුවන් ගමන් ආදායමේ වාර්තාගත ඉහළ යාමක්

    ගෙවුණු පැය 24 තුළ ගුවන් ගමන් ආදායමේ වාර්තාගත ඉහළ යාමක්

    කොවිඩ් වසංගතයෙන් පසු ශ්‍රී ලංකා ගුවන හරහා පියාසර කළ ජාත්‍යන්තර ගුවන් යානාවලින් ලැබු වැඩිම ආදායම ගෙවී ගිය පැය 24ක කාලය තුළ ලැබී ඇති බව ගුවන් ගමන් පාලක ආරංචි මාර්ග සඳහන් කරයි.

    ඒ අනුව ගෙවුණු පැය 24ක කාලය තුළ ශ්‍රී ලංකාව හරහා පියාසර කර ඇති ගුවන් යානා ගණන 117කි. ඒ සෑම ගුවන් යානයක්ම ශ්‍රී ලංකාවේ ගුවන පසුකර යනතුරුම ගුවන් ගමන් පාලකවරුන් විසින් දැඩි පරිශ්‍රමයකින් මෙහෙයවනු ලබයි.

    මෙම සෑම ගුවන් ගමනකින්ම ශ්‍රී ලංකාවට අමෙරිකානු ඩොලර් 250ක පමණ අදායමක් හිමිවන අතර ඒ අනුව ගෙවී ගිය පැය 24 තුළ රුපියල් කෝටියකට අධික මුදලක් රටට ලැබී තිබේ. මෙයට අමතරව එම කාලය තුළ කටුනායක ජාත්‍යන්තර ගුවන් තොටුපළට ගුවන් යානා පැමිණීම සහ පිටවීම් 120ක් වාර්තා වී තිබේ.

    මේ දිනවල ශ්‍රී ලංකාවේ ගුවන් ගමන් පාලකවරුන්ගේ හිඟයක් ඇති බවට වාර්තා පළ වන අතර එම තත්ත්වය ද කළමනාකරණය කරගනිමින් මෙරට ගුවන් ගමන් පාලකවරුන් ඊයේ රාත්‍රිය මේ සියලු ගුවන් ගමන් ඉතා කාර්යබහුලව තත්ත්වයක් යටතේ වුවද සාර්ථකව මෙහෙයවා තිබේ.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.