අංජනා මල්ලවආරච්චි
මොරටුව විශ්ව විද්‍යාලයට ඇතුළත් කළ යුතු නියමිත ශිෂ්‍ය ප්‍රමාණය ඉක්මවා වැඩිපුර සිසුන් ප්‍රමාණයක් ඇතුලත් කර ගන්නැයි විශ්වවිද්‍යාල ප්‍රතිපාදන කොමිෂන් සභාව කර ඇති දැනුම් දීම ප්‍රතික්ෂේප කරන බව මොරටුව විශ්ව විද්‍යාලයීය ආචාර්ය සංගමයේ සභාපති ආචාර්ය ජේ.ඊ.සමරවික්‍රම මහතා කොළඹදී අද පැවැති ප්‍රවෘත්ති සාකච්ඡාවකදී පැවසීය.
මොරටුව විශ්ව විද්‍යාලයට එක් වර්ෂයක දී සිසුන් 1758 ක් ඇතුලත් කරගන්නා නමුත් විශ්ව විද්‍යාල ප්‍රතිපාදන කොමිෂන් සභාව එම ප්‍රමාණය සියයට 34 කින් ඉහළ නංවා මෙවර සිසුන් 2363 ක් බඳවා ගන්නා ලෙස දැනුම් දී තිබෙන බවද සභාපතිවරයා කීය.
අවම පහසුකම් යටතේ එවැනි වැඩි ශිෂ්‍ය සංඛ්‍යාවක් බඳවා ගැනීමට නොහැකි අතර ගුණාත්මක අධ්‍යාපනයක් ලබා දීමට නොහැකි වන බව ද බවද ආචාර්ය සමරවික්‍රම මහතා කීය.