සංවිධානාත්මක අපරාධකරුවකු වන ගන්දර සමන් නැමැත්තා ටි 56 වර්ගයේ ගිනිඅවිවලට යොදන පතොරම් යෙදිය හැකි ගිනි අවියක් පතොරම් කිහිපයක් සහ කඩුවක් සමඟ විශේෂ කාර්ය බලකාය අද අත්අඩංගුවට ගෙන තිබේ.
තංගල්ල කදවුරේ නිලධාරීන් විසින් ගන්දර තලල්ලේ කළ වැටලීසකදී මෙම සැකකරු අත්අඩංගුවට ගැනීමට හැකියාව ලැබී ඇත.
විශේෂ කාර්ය බලකාය අණදෙන නිලධාරී නියෝජ්‍ය පොලිස්පති නීතිඥ වරුණ ජයසුන්දර මහතාගේ සෘජු අධීක්ෂණය යටතේ විශේෂ කාර්ය බලකාය තංගල්ල කඳවුරේ ස්ථානාධිපති ප්‍රධාන පොලිස් පරීක්ෂක කේ.ඒ.සි.කේ. මාරපන ඇතුළු නිලධාරීන් කණ්ඩායමක් මෙම වැටලීම කර ඇති අතර සැකකරු සහ සොයාගත් ආයුධ වැඩිදුර විමර්ශන සදහා ගන්දර පොලිස් ස්ථානයට භාරදී තිබේ.