ගැඹුරු මුහුදේදී නාවික හමුදා විසින් අල්ලා ගෙන කොළඹ වරායට රැගෙන පැමිණි ඉරාන කුඩා නෞකාවේ තිබී කිලෝ 335 ක් පමණ බරැති හෙරොයින් පැකට් තුන්සිය එකක් මේ වන විට සොයාගෙන තිබේ.
මෙම කුඩා නෞකාවේ කාර්ය මණ්ඩලය හත් දෙනාම ඉරාන ජාතිකයන් බව මුලින් සැක කළද පකිස්තානුවන් ද ඒ අතර ඇතැයි පෙනී ගොස් ඇත. ඒ එක් පුද්ගලයෙකු කොවිඩ් ආසාදිතයෙක් බව තහවුරු වී තිබේ.
පොලිස් මත්ද්‍රව්‍ය කාර්යාංශයේ සිට සාමාන්‍ය රාජකාරි සඳහා නැගෙනහිර පළාතට අනුයුක්ත කර සිටින පොලිස් නිලධාරියකුට මෙම මත්කුඩු ජාවාරම ගැන තොරතුරු ලැබී තිබෙන බව පොලිස් ආරංචි මාර්ග සඳහන් කළේය.
මේ ගිනි අවිත් ඇති බවට විශ්වාස කරන අතර කුඩා නෞකාව විසබීජහරණය කිරීමෙන් පසු පූර්ණ සෝදිසියකට ලක් කරන බව විමර්ශන නිලධාරීන් සදහන් කරති.
