රට පුරා විවිධ ප්‍රදේශවලින් තවත් ඩෙල්ටා ආසාදිතයන් 30ක් හඳුනාගත් බව සෞඛ්‍ය අමාත්‍යාංශය කියයි.
ඒ අනුව කෝට්ටේ, කොලොන්නාව, අංගොඩ, නවගමුව, මහබාගේ, කටුනායක, මීගමුව, රත්මලාන, බේරුවල, ගාල්ල, මාතර, දඹුල්ල, වවුනියාව, මුලතිව් ඇතුළු ප්‍රදේශ 14 කදී කොවිඩ් -19 ඩෙල්ටා ප්‍රභේදය ආසාදිතයින් හමුවී තිබේ.
මේ අනුව මෙරටින් සාම්පල ලබාගත් අයගෙන් හමුවූ ඩෙල්ටා ආසාදිතයන් සංඛ්‍යාව 61 දක්වා ඉහළ ගොස් ඇත.
ශ්‍රී ලංකාව තුළ මේ වන විටත් ඩෙල්ටා ප්‍රභේදය හඳුනා ගැනීමේ වෛද්‍ය කට්ටල ඇතැයි සෞඛ්‍ය ප්‍රවර්ධන කාර්යාංශයේ අධ්‍යක්ෂ වෛද්‍ය රංජිත් බටුවන්තුඩාව අද (23) කීය.
විශේෂයෙන් ඩෙල්ටා COVID ප්‍රභේදය පැතිරීම වැළැක්වීම සඳහා සෞඛ්‍ය මාර්ගෝපදේශ දැඩි ලෙස අනුගමනය කරන ලෙස ඔහු ජනතාවගෙන් ඉල්ලා සිටියේය.
කොවිඩ් පැතිරීමේ යළි වැඩිවීමක් දක්නට ලැබීමට හේතුව ඩෙල්ටා පැතිරීම විය හැකි බවට අනුමාන කෙරේ.