අංජනා මල්ලවාරරච්චි
සති තුනකට අධික කාලයක් සංචරණ සීමා පනවා තිබියදී රැකියා අහිමි වූවන්ට රුපියල් පන්දහසේ දීමනාව ලබාදී නැතැයි වාර්තා වේ.
රජය මගින් ලබාදෙන රුපියල් පන්දහසේ දීමනාව මෙවර ලබාදී ඇත්තේ සමෘද්ධිලාභී පවුල්වලට පමණක් වන අතර රැකියා අහිමි වූ සහ අඩු ආදායම්ලාභී වෙනත් පවුල්වලට එම ආධාරය නොලැබීම බරපතළ ගැටලු සහගත තත්ත්වයක් බව ද ඔවුහු පවසති.
මීට ඉහත අවස්ථාවලදී තමන්ට රුපියල් පන්දහසේ දීමනාව හිමි වුවත් මෙවර අහිමි වීම ඉතා අසාධාරණ බව ද එම පවුල්වල සාමාජිකයෝ පවසති.
