අද පැවති සත්ත්ව සංගණනය ඉතා සාර්ථකව සිදු වූ බව කෘෂිකර්ම නියෝජ්‍ය ඇමති නාමල් කරැණාරත්න මහතා පවසයි.
ඒ සඳහා ලක්ෂ ගණනක ජනතාවක් ඉතා උනන්දුවෙන් සම්බන්ධ වූ බවද හෙතෙම සඳහන් කළේය.
පර්චස් 60 ක පමණ වූ තම කුඩා ඉඩමේ ද බිරිඳ සහ පුතා සත්ත්ව සංගණනයට එක්වූ බව හෙතම කියා සිටියේ ය.
රිලවුන් තුන්දෙනෙකු සිය ඉඩමේ ගණන් කළ බව කී නාමල් කරුණාරත්න මහතා, අනතුරුව අසල විහාරස්ථානයකට යමින් එම ඉඩමට පැමිණ සිටි රිලවුන් තිස් ගණනක් ගණන් කළ බව කීවේය.
මෙම සංගණනය සඳහා සහයෝගය ලබා දුන් සියලුම ජනතාවට, රාජ්‍ය නිලධාරීන්, මාධ්‍ය ආයතන ඇතුළු සියලු දෙනාටම තමන් ස්තුතිවන්ත වන බවද හෙතෙම පැවසීය.
එහෙත් මෙම සත්ත්ව සංගණනය මුළුමනින්ම අසාර්ථක බව සංවිධාන ගණනාවක් පෙන්වා දෙයි. සමස්ත සංගණනයක් මෙමගින් සිදු නොවන බව ගිහි පැවදි බොහෝ දෙනෙක් මාධ්‍යට කරුණු දක්වා තිබිණි.
