ප්‍රිය සම්භාෂණයකදී ඥාතීන් පිරිසක් සමග ඇතිවූ ආරවුලක් දුරදිග ගොස් තමාට පහරදීමට නිවසට පැමිණි ඥාතියෙකුට පොරවකින් පහරදුන් නීති විරෝධී වත්කම් විමර්ශන අංශයේ පොලිස් කොස්තාපල්වරයකු මහියංගනය පොලිසිය පෙරේදා අත්අඩංගුවට ගෙන ඇත.
පොරෝ පහර වැදී ඇත්තේ හිසට බවත් ඔහු බදුල්ල රෝහලට ඇතුලත් කර ඇති බවත් උසස් පොලිස් නිලධාරියෙක් පැවසීය.
ප්‍රිය සම්භාෂණයේ ඇතිවූ ආරවුලින් පසු මෙම නිලධාරියා නිවසට පැමිණ සිටියදී ඥාතීන් පිරිසක් නිලධාරියාගේ නිවසට පැමිණ ඔහුට අයත් ත්‍රීරෝද රථයකට සහ නිවැසියන්ට පහරදී ඇති බව පොලිසිය කියයි. මෙම නිලධාරියා පොරවකින් පහරදී ඇත්තේ එහිදීය.
නිලධාරියාත්, ඔහුගේ බිරිද සහ මව තුවාල ලබා මහියංගනය රෝහලට ඇතුලත්කර ඇත. නිලධාරියාව අත්අඩංගුවට ගෙන ඇත්තේ රෝහලේ ප්‍රතිකාර ලබමින් සිටියදී බව පොලිසිය සදහන් කළේය.