මන්නා වලින් කපා පුද්ගලයින් සිව් දෙනෙනකුට තුවාල කිරීම සම්බන්ධයෙන් සැකපිට දෙවන ලුතිනන් වරයෙකු පෑලියගොඩ පොලිසිය අත්අඩංගුවට ගෙන ඇත.
වයස අවුරුදු 23ක් වන මෙම දෙවන ලුතිනන් වරයා සිංහ රෙජිමේන්තුවේ මාතර කදවුරේ සේවයේ නිරතව සිටින්නෙකි.
කැලණිය දුටුගැමුණු පාරේ පදිංචිකරුවෙක් වන මෙම දෙවන ලුතිනන් වරයා ඔහුගේ පියා සමග එක්කව පසුගිය 06 වෙනිදා කපා කොටා තුවාල සිදුකර ඇත්තේ ඔහු පදිංචි ප්‍රදේශයේම පදිංචිකරුවන් පිරිසකි.
පුද්ගලික ආරවුලක් මුල්කරගෙන ඇතිවූ ගැටුමක ප්‍රතිඵලයක් ලෙස එම පහරදීම සිදුව ඇත. එහිදී දෙවන ලුතිනන් වරයාත් ඔහුගේ පියාත් තුවාල ලබා රෝහල්ගතව සිටි බව පෑලියගොඩ පොලිසිය සඳහන් කළේය.
දෙවන ලුතිනන් වරයා අත්අඩංගුවට ගෙන ඇත්තේ ඔහු රෝහලින් පැමිණි පසු ඊයේ දිනයේදීය.