මෙවර ජනාධිපතිවරණයේදී ලියාපදිංචි ඡන්ද දායකයින් 3,820,738ක් ඡන්දය ප්‍රකාශ කර නැති බව මැතිවරණ කොමිසම පවසයි.

ජනාධිපතිවරණයේදී ජනතාව යුහුසුළුව තම ඡන්දය භාවිත කරන බව පෙනෙන්නට තිබුණත්, ලියාපදිංචි ඡන්දදායකයින් 17,140,354 න් 79.46% ක් පමණක් එහිදී සහභාගී වී ඇති බව සඳහන්ය.

ඒ මුළු ඡන්ද 13,619,916 ක අගයක් ගනී.

මැතිවරණ කොමිසම නිවේදනය කළේ මෙයින් 97.8% ක් වලංගු ඡන්ද වන අතර එය 13,319,616 ක් බවයි.

කෙසේ වෙතත්, ඡන්ද 300,300 ක් ප්‍රතික්ෂේප වී ඇති අතර එය මුළු ඡන්ද ප්‍රමාණයෙන් 2.2% ක් නියෝජනය කරන බව මැතිවරණ කොමිසම පවසයි.