ලබන මාසයේ සිට 1 ශ්‍රේණියේ සිට 5 ශ්‍රේණිය දක්වා සෑම පාසැල් සිසුවෙකු සඳහාම නොමිලේ ආහාර වේලක් ලබාදීමට පියවර ගන්නා බව අධ්‍යාපන අමාත්‍යාංශය පවසයි.
පාසල් දිනවලදී දෛනිකව උදෑසන 7.30 ට එම ආහාරවේල ලබාදීමට සැලසුම් කර ඇති බව එම අමාත්‍යාංශය සඳහන් කළේය.
සිසුන් ලක්ෂ 17ක් සඳහා මෙම ආහාර වේල ලබා දීමට නියමිත ය.
ඒ සඳහා රුපියල් බිලියන 16.6 ක මුදලක් වෙන් කර තිබේ.
අමාත්‍යාංශය විසින් අනුමත ආහාර වට්ටෝරුවකට අනුව ආහාර වේල සකස් කෙරේ.
එය මහජන සෞඛ්‍ය පරීක්ෂකවරුන් විසින් අධීක්ෂණය කිරීමට නියමිත බවත් අධ්‍යාපන අමාත්‍යාංශය වැඩිදුරටත් සඳහන් කරයි.