චීනයේ සිට මෙරට තුළ අලුතින් ඉන්ධන ආනයනය සහ අලෙවිය ආරම්භ කරන ලද සිනොපෙක් සමාගම දිවයින පුරා සිය මෙහෙයුම් සැප්තැම්බර් මස අවසන් වන විට ආරම්භ කරන බවට සහතික වී ඇතැයි විදුලිබල හා බලශක්ති අමාත්‍ය කාංචන විජේසේකර මහතා පවසයි.

අමාත්‍යවරයා අද (03) පෙරවරුවේ විදුලිබල හා බලශක්ති අමාත්‍යාංශයේදී Sinopec Fuel and Refinery Operations හි නිලධාරීන් සමඟ සාකච්ඡාවක් පවත්වා තිබේ.

සිල්ලර මෙහෙයුම්වල ප්‍රගතිය, අලෙවි නියෝජිතයන් සමඟ ගිවිසුම් අත්සන් කිරීම, සන්නාමගත කිරීම සහ දීප ව්‍යාප්ත මෙහෙයුම් ආරම්භ කිරීම පිළිබඳව මෙම සාකච්ඡාවේදී අවධානය යොමු වූ බව අමාත්‍යවරයා කීය.