චීනයේ ෂූරොන්ග් අභ්‍යාවකාශ යානය සාර්ථකව අඟහරු මතට ගොඩබසී

අඟහරු ග්‍රහයා මත අභ්‍යවකාශ යානයක් සාර්ථකව ගොඩබැස්වූ බව චීනය පවසයි.

චීනයේ පළමු අඟහරු මෙහෙයුම වන Tiyanwen-1 අභ්‍යාවකාශ යානයේ අග්නි දෙවියන් යන අර්ථය ඇති  “ෂූරෝන්ග්“ නමැති රෝවර් යානය මෙලෙස අඟහරු ග්‍රහයා වෙත ගොඩබස්වා ඇත.

කිලෝග්‍රෑම් 240ක බරකින් යුක්ත වන රෝද 6 කින් සමන්විත එම යානය සූර්ය පැනල මගින් බලගැන්වේ.

පෘථිවියේ සිට අඟහරු ග්‍රහයා වෙත පවතින දුර කිලෝමීටර් මිලියන 320කි.

අඟහරු ග්‍රහයා මත පළමු වරට අභ්‍යවකාශ යානයක් ගොඩබස්වනු ලැබුවේ අමෙරිකාව විසිනි.

ඒ අනුව අඟහරු ග්‍රහයා මත අභ්‍යවකාශ යානයක් සාර්ථක ගොඩබැස්වු දෙවන රට චීනය යි.

පෙර සැලසුම් කළ ආකාරයට යානය ගොඩබැස්වූ හැටි ත්‍රිමාණ සජීවීකරණ වීඩියෝවකින් පහත දක්වා ඇත.