කොවිඩ් වසංගත තත්ත්වය හමුවේ ඉදිරියේ දී ඇතිවිය හැකි තත්ත්වයන්ට සූදානම් වීම සඳහා ඔක්සිජන් ජම්බෝ සිලින්ඩර් 7000ක් මෙරට සෞඛ්‍ය අමාත්‍යංශය විසින් ඇණවුම් කර තිබේ.
ඉන් 400ක් මෙම සතියේ දී ලැබෙන අතර අනෙකුත් සිලින්ඩර් කඩිනමින් ලබා දීමට අදාළ සමාගම් පොරොන්දු වී ඇත.
ශ්‍රී ලංකාවේ රෝහල් තුළ දැනට ඔක්සිජන් හිඟයක් ඇතිවී නොමැත. දැනට රෝහල් තුළ ඔක්සිජන් සාමාන්‍ය සිලින්ඩර් 24000ක් සහ ජම්බෝ සිලින්ඩර් 4000ක් තිබේ.
අලුතින් තවත් ජම්බෝ සිලින්ඩර් 7000ක් ඇණවුම් කර ඇත්තේ අතිරික්තයක් ලෙසය.
මේ අතර ඔක්සිජන් ටොන් 25ක් දැනට රෝහල්වල තිබෙන අතර එම ප්‍රමාණය අවශ්‍යතාව අනුව ටොන් 80ක් දක්වා ඉහළ දැමීමේ හැකියාව ඇති බව අදාළ සමාගම් සෞඛ්‍ය අමාත්‍යංශයට දැනුම් දී ඇත.