පවතින වසංගත තත්ත්වය හමුවේ පළාත් සභා මැතිවරණය පැවැත්වීම පිළිබඳව ප්‍රසිද්ධ ප්‍රකාශවලට නොයා සිටීමට ආණ්ඩුව තීරණය කර ඇත.
ඒ අනුව මාධ්‍යවල පළාත් සභා මැතිවරණය පැවැත්වීමට අදාළව කරුණු දැක්වීම මෙන්ම කඩිනමින් පළාත් සභා මැතිවරණය පැවැත්වීමට තිබූ අදහසින් ආණ්ඩුව ඉවත්වී ඇතිබව දේශපාලන ආරංචි මාර්ග සඳහන් කරයි.
එහෙත් පළාත් සභා මැතිවරණය පැවැත්වීමට අදාළව ආණ්ඩු පක්ෂයේ අභ්‍යන්තර වශයෙන් පැවැති සාකච්ඡා ඉදිරියටත් පැවැත්වෙනු ඇති බව එම ආරංචි මාර්ග අනාවරණය කළේය.
ඉන්දියාවේ මැතිවරණ පැවැත්වීම සහ ඊට සමගාමීව කොවිඩ් ආසාධිතයන් ඉහළ යාම නිසා පළාත් සභා පැවැත්වීම ජනප්‍රිය මාතෘකාවක් නොවන බව ආණ්ඩුව තීරණය කර ඇත.