වර්තමාන කොවිඩ් 19 රෝග තත්ත්වය සැලකිල්ලට ගනිමින් ගෘහස්ථ පරිශ්‍රවල, පොදු ස්ථානවල සහ පොදු ප්‍රවාහන සේවා භාවිත කරන අවස්ථාවලදී මුව ආවරණ පලදින ලෙස තරයේ නිර්දේශ කරමින් සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධනගේ අත්සනින් යුත් නිවේදනයක් නිකුත් කර තිබේ.
එහි සඳහන් වන්නේ මාස කිහිපයකට පසු මෙරටින් වාර්තාවන කොවිඩ් ආසාදිතයින් සහ කොවිඩ් මරණ ගණන ඉකුත් දින වලදී ඉහල ගොස් ඇති බවයි.
ඊයේ දිනයේදී කොරෝනා ආසාදිතයින් 75 දෙනෙකු මෙරටින් වාර්තා විය.
කොරෝනා වයිරසය රට තුළ ව්‍යාප්ත වීමේ අවදානම හේතුවෙන් මුව ආවරණ පලදින ලෙසට සෞඛ්‍ය අමාත්‍යාංශය ජනතාවගෙන් ඉල්ලීමක් කරයි.
