වාහනයේ ලියාපදිංචි අංකයේ අවසන් අංකය අනුව ඉන්ධන ලබාදීමේ දිනයන් වෙනස් කර තිබේ.

එය ජූලි 21 දින සිට දිවයින පුරා ක්‍රියාත්මක වේ.

විදුලිබල හා බලශක්ති අමාත්‍ය කාංචන විජේසේකර මහතා පැවසුවේ ඉන්ධන සැපයීම සඳහා අංක තහඩුවේ අවසාන ඉලක්කම් වෙනස් කිරීම පහත පරිදි සිදුවන බවයි.

0,1,2 – අඟහරුවාදා සහ සෙනසුරාදා
3,4,5 – බ්‍රහස්පතින්දා සහ ඉරිදා
6,7,8,9 – සඳුදා, බදාදා සහ සිකුරාදා

QR කේතය කෝටාව සඳහා අංක තහඩුවේ අවසාන අංකය පිළිබඳ නියමු ව්‍යාපෘතිය ජූලි 21 සිට 24 දක්වා කොළඹ ස්ථාන කිහිපයකදී පරීක්ෂා කරනු ලැබේ.

QR කේතය අනුව ඉන්ධන ලබාදීමේ වැඩසටහන ජූලි 25 සඳුදා සිට දිවයින පුරා ක්‍රියාත්මක කෙරේ.

අද පස්වරු 4 වන විට මිලියන 2 ක් QR කේතය සඳහා ලියාපදිංචි වී ඇත. ලියාපදිංචිය අඛණ්ඩව කෙරෙන බව අමාත්‍යවරයා කියයි.

මීට පෙර එම අමාත්‍යාංශය නිවේදනය කළේ ඉන්ධන කෝටාවට අනුව ඉන්ධන පිරවුම් හල් මගින් අවසන් අංකය අනුව 0, 1, 2 සදහා සදුදා සහ බ්‍රහස්පතින්දාද, 3,4,5 සදහා අඟහරුවාදා සහ සිකුරාදා ද, 6,7,8,9 යන අංක සදහා බදාදා සෙනසුරාදා සහ ඉරිදා ද ලෙස ඉන්ධන ලබා ගත හැකි බවයි.