පවතින ඉන්ධන අර්බුදය හමුවේ දීර්ඝ කාලීන සැළසුමකට අනුව පාපැදි ප්‍රවර්ධනය කිරීම සඳහා පාපැදි මංතීරු ප්‍රධාන හා අතුරු මාර්ග ආශ්‍රිතව හඳුන්වා දීමට ප්‍රවාහන හා මහාමාර්ග අමාත්‍යාංශයේ අවධානය යොමුවී ඇත.
අනුරාධපුර – පාදෙණිය , කඩුවෙල – බත්තරමුල්ල මාර්ග සංවර්ධනය කිරීමේදී එම මාර්ගවල පාපැදි මංතීරු වෙන් කළද මේ වන විට එම මංතීරු මැකී ගොස් ඇත. එම මංතීරු නැවත වෙන්කිරීමටත් දෙහිවල සිට කොල්ලුපිටිය දක්වා මෙන්ම අතුරු මාර්ග ආශ්‍රිතවත් පාපැදි මංතීරු වෙන් කිරීමට මේ වන විට ප්‍රවාහන හා මහාමාර්ග අමාත්‍යාංශය සැළසුම් සකස්කරමින් තිබේ.
එසේ නව මංතීරු ඉදිකිරීමේදී පාපැදි මංතීරු පුළුල් කිරීමට අවධානය යොමුවී ඇති අතර ඉදිරියේ සිදුවන මාර්ග සංවර්ධන කටයුතු වලදී විදේශයන්වල දක්නට ඇති අයුරින් පදිකයන්ට මෙන්ම පාපැදි මංතීරු වෙන්ව සකස් කිරීමටද පියවර ගැනීමට ප්‍රවාහන හා මහාමාර්ග අමාත්‍යාංශය ප්‍රතිඵත්තිමය තීරණයකට එළඹීමට නියමිතව ඇත.
