පාර්ලිමේන්තු මන්ත්‍රී අමරකීර්ති අතුකෝරාල සහ ඔහුගේ ආරක්ෂක නිලධාරී පොලිස් සැරයන් ගුණතිලක ඝාතනය සම්බන්ධයෙන් නිට්ටඹුවේ රෙදිපිළි වෙළද සැළක කළමනාකරුවෙක් සහ ත්‍රීරෝද රථ රියදුරෙක් අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන ඇත. කළමනාකරු 53වන වියේ පසුවන්නෙක් අතර ත්‍රීරෝද රථ රියදුරු 27 වන වියේ පසුවන හපුලේ පදිංචිකරුවෙකි.
අමරකීර්ති අතුකෝරාළ මහතා ආරක්ෂක නිලධාරියා ඝාතනය වූ රෙදිපිළි වෙළද සැලේ කළමනාකරු එසේ අත්අඩංගුවට පත්ව තිබේ. ත්‍රීරෝද රථ රියදුරු එම වෙළඳ සැල ඉදිරිපිට ත්‍රීරෝද රථය නවතාගෙන කුළී ගමන් යන අයෙකි.
මෙම අත්අඩංගුවට ගැවීමත් සමඟ අතුකෝරාල මන්ත්‍රීවරයාත් ආරක්ෂක නිලධාරියාත් ඝාතනය සම්බන්ධයෙන් මේ වන විට සැකපිට පුද්ගලයින් 25 දෙනෙක් අත්අඩංගුවට ගෙන ඇතැයි පොලිස්ස මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතීඥ නිහාල් තල්දූව මහතා සඳහන් කළේය.