මෙතෙක් ලබා ගැනීමට නොහැකි වූ සුදුසුකම් ලැබූ පිරිස් සඳහා හෙට (19) සිට රුපියල් 5,000 දීමනාව ලබාදෙන බව සමෘද්ධි අධ්‍යක්ෂ ජනරාල්වරයා පවසයි.
ලබන සතියේ මුල් දින කිහිපය වන විට රුපියල් 5,000 දීමනාව ලබා දීම අවසන් කිරීමට හැකිවනු ඇති බව හෙතෙම අවධාරණය කළේය.
“මේ වෙද්දි ලංකාවේ සමෘද්ධි බැංකු 1,073 තුළම රජය විසින් ලබාදෙන මෙම සමාජ ආරක්ෂණ ප්‍රතිලාභ රුපියල් 5,000 දීමනාව ලබාදෙමින් සිටින්නේ. මේ මොහොත වෙනකොට අපිට පෙනීගොස් තිබෙනවා ලක්ෂ 23කට වැඩි පිරිසකට මෙම ආධාර මුදල් ලැබිලා තිබෙනවා කියන එක. අපි විශ්වාස කරනවා සම්පූර්ණයෙන්ම සඳුදායින් පසුව එළඹෙන දින දෙක තුන ඇතුළත ඒ සියලුදෙනාගෙත් දීමනාවන් ගෙවා අවසන් කරන්න. ඒ සඳහා අවශ්‍ය කරන අරමුදල් අපි දැනටමත් සමෘද්ධි බැංකුවලට යවලා තියෙනවා”
