ජා-ඇල නිවන්දම ප්‍රදේශයේ කළ වැටලීමකින් අයිස් නැමැති මත්ද්‍රව්‍ය කිලෝ 13 ක් සමග එකම පවුලේ සිව් දෙනෙක් ඇතුළු හය දෙකේ සැකපිට පොලිස් මත්ද්‍රව්‍ය කාර්යාංශයේ නිලධාරීන් විසින් ඊයේ (11) අත්අඩංගුවට ගෙන තිබේ.
අත්අඩංගුවට ගත් සැකකකරුවන් අතර කාන්තාවක්ද සිටී.
මත්ද්‍රව්‍ය තොගය තිබී ඇත්තේ නිවසේ කාමරයකය. වැටලීමට පැය කිහිපයකට පෙර එම කාමරයේම ගබඩාකර තිබුණු තවත් මත්ද්‍රව්‍ය කිලෝ 50 ක පමණ ප්‍රමාණයක් වෙනත් ස්තානයකට රැගෙන ගොස් ඇති බවටද තොරතුරු ලැබී ඇත. එම මත්ද්‍රව්‍ය තොගය සොයාද මේ වන විට මෙහෙයුම් ක්‍රියාත්මකය.
පොලිස් මත්ද්‍රව්‍ය කාර්යාංශයේ නිලධාරීන් අයිස් ග්‍රෑම් 100 ක් සමග අත්අඩංගුවට ගත් සැකකරුවෙකුගෙන් කළ දීර්ඝ ප්‍රශ්න කිරීමකින් සහ විමර්ශනයකින් අනතුරව මෙම අයිස් තොගය සොයාගෙන ඇතැයි පොලිස් තොරතුරු අනාවරණය කළේය.