දක්ෂිණ අධිවේගී මාර්ගයේ අනාරක්ෂිත ලෙස ධාවනය කළ මෝටර් රථයේ හිමිකරු මෙන්ම අනාරක්ෂිතව අධිවේගී මාර්ගයේ එම රථය ධාවනය කළ රියදුරුව හදුනා ගැනීමට පොලීසිය සමත්ව ඇත.
මෝටර් රථයේ මුල් ලියාපදිංචි හිමිකරු පේරාදෙණිය ප්‍රදේශයේ පදිංචිකරුවෙකි. එම පුද්ගලයාගෙන් එම මෝටර් රථය අලවතුගොඩ පදිංචිකරුවෙකු මිලදී ගෙන ඇතැයිද අනාවරණය වී තිබේ. දක්ෂිණ අධිවේගී මාර්ගයේ අනාරක්ෂිත ලෙස එම මෝටර් රථය පදවා ඇත්තේ ඔහුගේ පවුලේ පිරිසකි. ඔවුන්ට පොලීසිය හමුවේ හෙට (12) දිනයේ පෙනී සිටින ලෙස අද (11) සවස වන විට දැනුම් දී තිබුණි.
මෝටර් රථය පැදවූ රියදුරුට අමතරව මෝටර් රථයේ ජනේල් වලින් පිටතට සිය සිරුරු දමාගෙන අනාරක්ෂිත ලෙස සහ සෙසු වාහනවලට අවධානමක් ඇතිකරමින් ගමන් කිරීම සම්බන්ධයෙන් ඒ අයට එරෙහිවත් නීතිමය පියවර ගන්නා බව පොලිස් මාධ්‍ය ප්‍රකාශක නියෝජ්‍ය පොලිස්පති නීතීඥ අජිත් රෝහන මහතා සදහන් කළේය.
